Girl in a jacket

पछिल्लो अपडेट :

  • June 15, 2021

बीएन्डसीले पायो सम्बन्धन, सिट संख्या निर्धारण गर्न बाँकी

झापा / बिर्तामोडको बीएन्डसी मेडिकल कलेजले सम्बन्धन प्राप्त गरेको छ भने सिट संख्या निर्धारण गर्न मात्र बाँकी रहेको बताईएको छ ।

सम्बन्धन प्राप्त गरेसँगै बीएन्डसी कलेज एण्ड रिसर्ज सेन्टर प्रालिले स्नातक तह (एमबिबिएस) कक्षा सञ्चालनार्थ मेचीमा मेडिकल उच्च शिक्षाको जग बसेको हो ।

बीएन्डसी कलेजका कार्यकारी निर्देशक दूर्गाप्रसाद प्रसाईँले सम्बन्धन प्राप्त गरेको बताए । अब सिट संख्या मात्र तोक्न बाँकी रहेको उनले बताए ।

काठमाडौँ विश्वविद्यालयको ८९ औँ बैठकले सो कलेजलाई सम्बन्धन दिने प्रक्रिया अगाडि बढाएको थियो । विज्ञ सम्मिलित टोलीले गत वैशाख २२ देखि २६ सम्म विश्वविद्यालयको ‘नम्स एण्ड स्ट्याण्डर्स फर एमबिबिएस प्रोग्राम २०१३’ मा तोकिएका मापदण्ड अनुसार कलेजको निरीक्षण गरी प्रतिवेदन बुझाएको थियो ।

सोही प्रतिवेदनका आधारमा विश्वविद्यालयले चिकित्सा शिक्षा ऐन २०७५ को दफा १३ (६) अनुसार कलेजलाई सम्बन्धन दिने निर्णय गरेको थियो । विश्वविद्यालको कार्यकारी परिषद्को गत वैशाख ३१ गते सम्पन्न ६२५ औँ बैठकले कलेजलाई सहमति दिने तथा सिट संख्या सहित आवश्यक स्वीकृतिको निर्णय गरिदिन चिकित्सा शिक्षा आयोगलाई पत्राचार समेत गरेको छ । विश्वविद्यालयका रजिष्ट्रार प्राडा सुबोध शर्माद्वारा हस्ताक्षरित पत्र यही जेठ २ गते आयोगलाई पठाइएको बताइएको छ ।

प्रसाईँले बीएन्डसी मेडिकल कलेजले काठमाडौं विश्वविद्यालयको ‘नम्स एण्ड स्ट्याण्डर्स फर एमबिबिएस प्रोग्राम २०१३’ मा तोकिएका मापदण्ड र चिकित्सा शिक्षा ऐन २०७५ का आधारमा सम्बन्धनको सहमति प्राप्त गरेको जनाइएको छ ।

बीएन्डसी कलेजले काठमाडौँ विश्वविद्यालयको ‘नम्स एण्ड स्ट्याण्डर्स फर एमबिबिएस प्रोग्राम २०१३’ नेपाल मेडिकल काउन्सिलको एग्रिडिटेसन स्ट्याण्डर्स फर दि एमबिबिएस (ब्याचलर अफ मेडिसियन एण्ड ब्याचलर अफ सर्जरी प्रोग्राम २०१७) मा उल्लेखित सम्पूर्ण शर्त पूरा गर्न तयार रहेको बताईएको छ ।

कमेन्ट गर्नुस्

सताक्षी न्युज

सताक्षी न्युज झापाको शिवसताक्षी नगरपालिकाबाट सञ्चालित अनलाइन न्यूज पोर्टल हो । थप जानकारीका लागि welcomesatakshidham@gmail.com मा सन्देश पठाउनु होला ।

Read Previous

राष्ट्रिय सभाको उपनिर्वाचन सकियो, खसेन ९ मत

Read Next

२५ वर्षे युवा अधिवक्ता विराज थापा जसले ७ मन्त्रीको पद खारेज गरिदिए

Leave a Reply

Your email address will not be published. Required fields are marked *