सताक्षी न्युज 
मन्जिल नेपाल दुधे / शिवसताक्षी नगरपालिका वडा नम्बर ११ यहाँ जारी वडा स्तरीय नकआउट फुटवल प्रतियोगिताको फाइनल प्रवेश गरेको छ ।
वडा नम्बर १० लाई सेमिफाईनलको अन्तिम खेलमा २-१ गोल अन्तरले हराउँदै वडा नम्बर ११ ले फाईनल यात्रा तय गरेको हो । यो जीत संगै वडा नम्बर ११ ले प्रतियोगिताको कम्तिमा दोश्रो उपाधी पक्का गरेको छ । अव उपाधीका लागि १५ गते वडा नम्बर ८ संग वडा नम्बर ११ ले सामना गर्ने छ ।
पहिलो हाफको ३ मिनेटमा आकास पौडेलको क्रसपासमा अजेस राईले गोलको खाता खोलेका थिए । १-० को अग्रता लिएपछि मैदानमा झन आक्रामक बनेको वडा नम्बर ११ ले सोही हाफको २६ औ मिनेटमा पुन दोश्रो गोल गरेर जीत निश्चित जस्तै बनाएको थियो । देव मल्लिकको पासमा अजेस राईले दोश्रो गोल गर्दे वडा नम्बर ११ लाई २-० को अग्रता दिलाए ।
पहिलो हाफमा २-० ले अघि बढेको वडा नम्बर ११ लाई दोश्रो हाफमा जीत निकाल्न सहज थियो । तर, खेलको ५९ मिनेटमा वडा नम्बर ११ का खेलाडीको डिवक्स भित्र हेण्ड भएपछि पाएको पेनाल्टीमा वडा नम्बर १० ले गोल गरेर गोल अन्तर १-२ मा झार्यो । वडा नम्बर १० का लागि आषिस सेन्च्युरीले गोल गरेका थिए ।
वडा नम्बर १० ले दोश्रो हाफमा निक्कै आक्रामक खेल खलेपनि वडा नम्बर ११ का खेलाडीले पहिलो हाफकै रक्षात्मक खेललाई कायम राखेकाले वडा नम्बर १० को गोल गर्ने रणनीति बदल्न दिएनन् । वडा नम्बर ११ मैदानमा हावी हुँदा वडा नम्बर १० सेमिफाइनलबाटै वाहिरिनु पर्यो ।
खेलको म्यान अफ दी म्याच वडा नम्बर ११ का दुईगोल कर्ता अजेस राई घोषित भए । उनले नगद पुरस्कार पाए ।
